Машғулотлар кунига икки маҳалдан олиб бориляпти. Азиз Тўхтабоев бошчилигидаги мураббийлар штаби футболчилардан машғулотларда астойдил ишлашни талаб қилишмоқда. Мураббийлар футболчиларнинг жисмоний ҳолатларини яхшилашга ҳам алоҳида урғу беришган.

Чирчиқ йиғини доирасида "шунқорлар" бир нечта назорат ўйинларида иштирок этишлари ҳақида хабар берган эдик. Бугунги кунга келиб спарринг рақибларнинг номлари маълум бўлди. Режага кўра қуйидаги саналарда жамоа назорат ўйинларида майдонга тушади.

16.07.2019. "Қўқон-1912" – "Оқтепа"

17.07.2019. "Қўқон-1912" – "Хўжанд" (Тожикистон)

18.07.2019. "Қўқон-1912" - "Шўртан"

Барча учрашувлар Чирчиқ шаҳрида бўлиб ўтади.

Бундан ташқари, яна назорат ўйинлари ўтказиш борасида Суперлига клублари билан ҳам музокаралар олиб борилмоқда.

"Қўқон-1912" жамоасининг матбуот хизмати ижтимоий тармоқлардаги саҳифалари орқали барча ўйинлардан онлайн трансляцияларни олиб боради.

Қуйида қўқонликларнинг кечаги машғулотларидан суратларни эътиборингизга ҳавола этамиз.

"Қўқон-1912" машғулотларни давом эттирмоқда, жамоанинг назорат ўйинларидаги рақиблари ҳам маълум