Қўқондаги стадионларда мусобқанинг финал ўйинлари бўлиб ўтди. Ўтказилган ўйинлардан сўнг мусобақада ғолиблар аниқланди.

2007-2008 ўртасида бўлиб ўтган мусобақада “Аҳмадхон” футбол клуби ғолиб бўлди.

2009 йиллар мусобақасида эса ғолиблик “Андижон” футбол академияси тарбияланувчиларига насиб қилди.

2010 йилларда туғилган футболчилар ўртасида эса Тошкентнинг “Пахтакор” клуби тарбияланувчилари тенгсиз бўлишди.

2011-2012 йилларда туғилган болалар ўртасидаги мусобақа фестивал шаклида бўлиб ўтди ва унда иштирок этган барча жамоалар тақдирланишди.

Бугун Қўқондаги “Аҳмадхон спорт мажмуаси”да мусобақанинг тантанали ёпилиш маросими бўлиб ўтди. Маросимда Қўқон шаҳар хокими Маъруфжон Усмонов, Фарғона вилоят футбол ассосациясининг биринчи вице-презиеднти Носирбек Отақўзиев, “Қўқон-1912” футбол клуби президенти Бахтиёржон Толипов , ЎФАнинг болалар футболи бўйича мутахассиси Григорий Айрапетян ҳамда “Қўқон-1912” жамоасининг мураббий ҳамда футболчилари иштирок этишди.

Маросимда сўз олган Қўқон шаҳар хокими Маъруфжон Усмонов йиғилганларни яқинлашиб келаётган мустақиллигимизнинг 30 йиллик байрами билан қизғин табриклаб, барча мусобақа иштирокчиларига самимий миннатдорчилик изҳор қилди.

-Бундай турнирлар орқали ёшларимиз тобора чиниқиб катта ҳалқаро мусобақаларга тайёрланиб борадилар. Муҳтарам юртбошимизнинг спортга , хусусан футбол бўлган эътиборлари туфайли юртимизда футбол ўйини тобора оммалашиб бормоқда. Бу мусобақада иштирок этган болажонларимиз орасидан келгусида “Қўқон-1912” жамоамиз шарафини, шунингдек Ўзбекистон терма жамоалари шарафини муносиб ҳимоя қиладиган футболчилар етишиб чиқишига умид қиламан ва ишонаман – деди жумладан М Усмонов.

Шундан сўнг турнир иштирокчиларини тақдирлаш маросими бўлиб ўтди. Ғолиб ва совриндорларга мукофотларни шаҳар хокими Маъруфжон Усмонов, Бахтиёржон Толипов , Носир Отақўзиев , Григорий Айрапетян ҳамда “Қўқон-1912” жамоасининг таниқли футболчилари топширишди. Турнирда иштирок этган деярли барча жамоалар турли эсдалик ва қимматбаҳо совғалар билан мукофотландилар. Шу ўринда ташкилотчилар томонидан мусобақанинг ўтказиш давомида ўзларининг беғараз ёрдамларини кўрсатган “Имкон” савдо белгиси, “Осиё колбасалари” корхонаси ҳамда “Турон цемент” компанияларига миннатдорчилик билдирамиз . Бу турнирда иштирок этган барча болажонлар Қўқондан бир олам таассуротлар билан уйларига қайтишди.

“Қўқон шаҳар хокими кубоги” учун ўтказилган турнир якунланди