Суперлига 12-туридан ўрин олган "Пахтакор" - "Сурхон" учрашувида ОФК рекрутинги 2-босқичи доирасида ОФК вакиллари Раҳимбек Каримовнинг ишига баҳо беришганди. Афсуски Каримов ушбу имтихондан ўта олмади ва 3-босқичга чиқа олмади.

Маълумот учун, ОФК рекрутинги 3та босқичидан ўта олган ҳакамлар С даражани олишади ва халқаро ўйинларга тайинлов олишади. Халқаро ўйинларда ўзини яхши кўрсата олганлар B даражага чиқишади. Ҳакам кейинчалик ҳам яхши ишлашда давом этса А даражага чиқади ва ОФК элит реферилари қаторига киради. Шундай даражага етганлар ОЧЛ ҳал қилувчилар ўйинлар, Жаҳон чемпионати саралаш баҳслари, Осиё кубоги финал босқичи каби ўйинларда ишлашади.

Ижобий хабар ҳам бор. 23 август куни Малайзияда ОФК VAR ҳакамлари учун имтихон ўтказади. Ушбу имтихонга 4 нафар ўзбекистонлик ҳакам таклиф олган. Булар: Азиз Асимов, Раҳимбек Каримов, Фирдавс Норсафаров ва Абдурашид Худойберганов.

Яъни бош ҳакам сифатида ОФК рекрутингидан ўта олмаган Раҳимбек Каримов агар VAR ҳаками сифатида имтихондан ўтса халқаро ўйинларда VAR ҳаками сифатида ишлаш имкониятига эга бўлади.

Раҳимбек Каримов ОФК имтихонидан ўта олмади, лекин барибир Малайзияга боради