Кеча навбатдаги кунги машғулотлар ўз ниҳоясига етгач жамоа дарвозабони Раҳимжон Давронов ўзининг фикрлари билан ўртоқлашди.

“Худога шукур ҳамма соғ ва саломат машқларни бошлади. Кайфиятимиз аъло даражада. Учрашувларни давом эттиришга руҳсат беришгани руҳиятимизни янада кўтарди. Ҳозирги кунда асосий эътибор жисмоний тайёргарликка киритилган. Боиси, ҳали олдинда бизни оғир ўйинлар ва осон бўлмаган мавсум кутиб турибди. Икки ой ўйин амалиётисиз қолиш биз футболчилар учун катта муддат ҳисобланади. Спорт формамизга катта таъсир қилиши аниқ. Ўйлайманки, икки ҳафта давомида “Сурхон” билан ўйинга ҳар томонлама тайёр бўламиз.

Карантин бошқа чизиқ вакилларига қараганда дарвозабонларга жиддий таъсир қилмаса керак. Рестартдан сўнг барчаси жойига тушиб кетади. Машғулотларни санитар гигиена талабларига риоя қилинган ҳолда олиб бормоқдамиз. Пандемия ортга чекингач стадионда мухлисларимиз билан яна кўришамиз ва улар билан бирга муваффақиятларимизни бирга нишонлаймиз”,- дейди Осиё чемпиони Раҳимжон Давронов.

Раҳимжон Давронов: “Сурхон” билан ўйинга ҳар томонлама тайёр бўламиз”