"Ачинарлиси яхши ўйнаб ютқазиб қўйдик. Ўйин бўйича рақибга ютқазиб ҳисобда ҳам имкониятни бой берсак алам қилмасди, бироқ бир ярим тайм устунлик қилиб мағлуб бўлиш жуда аламли бўлади. Йўқ жойдан гол ўтказиб юбордик. Дарвозабонимизнинг қўпол хатоси туфайли тўп ўтказдик. Менимча ўйин ёмон бўлмади, иккала жамоа мухлисларига ёқадиган баҳс бўлди. Дерби доим шундай шиддаткор ўтади. Кўпинча бундан ўйинларда битта тўп фарқи кузатилади. "Нефтчи"ни ғалаба билан табриклайман, бошқа чора йўқ", - дейди Рашид Ғофуров.

"Кореялик Чой тиббий кўрикдан ўтишини кутаяпмиз. Аммо тиббий кўрикдан муваффақиятли ўтган тақдирда ҳам 10 кун ичида бизга ёрдам берадиган даражага чиқа олмаса керак. Фақат унга умид қилиб қолмаслигимиз керак".

"Ўйиндан олдин дарвозабонлар мураббийи Анвар Жабборов билан гаплашганимда Акмал Ортиқов яхшироқ формада эканини айтди. Балки кейинги ўйинда Корнейчук майдонга тушиши мумкин".

"Навбаҳор" матбуот хизмати

Фото: Акрамжон Мамадалиев

Рашид Ғофуров: "Бир ярим тайм устунлик қилиб мағлуб бўлиш жуда аламли"