Янги келишув 2026 йилгача амал қилади. Олдинги шартнома 2023 йилнинг ёзига қадар тузилганди.

Гнабри "Бавария"да 2018 йилдан бери тўп тепиб келмоқда. 27 ёшли футболчи ўтган мавсумда 45 та ўйин ўтказиб, 17 та гол урган ва 10 та голга ассистентлик қилган.

"Кейинги бир неча йил ичида футболчи сифатида нима исташим ҳақида кўп ўйладим ва шундай хулосага келдим: "Бавария"да қолишни, бу ерда яна ҳаммасини ютиб олишни, Чемпионлар Лигаси ғолиблигини яна бир бор нишонлашни истайман, лекин бу сафар жамоамиз мухлислари билан. Бу ерда мен дўстларим билан энг юқори даражада ўйнай оламан. Бошқа клубда мен бундай ҳолатни бошдан кечирмаган бўлардим. Ҳайратланарли дақиқаларни бошқа жойда эмас, балки шу ерда қайта бошдан кечиришни хоҳлайман. Катта унвонларга бўлган очлик йўқолмайди", – деди Гнабри.

Расман: Гнабри "Бавария" билан шартномасини 2026 йилгача узайтирди