"2022 йилдан буён “Металлург” шарафини ҳимоя қилиб келган тажрибали ҳимоячи Эргаш Исмоилов бугундан эътиборан эркин агентга айланди. “Металлург” ПФК ҳамда футболчи ўзаро келишувга биноан шартномани муддатидан олдин тўхтатди.

Уч йиллик фаолияти давомида Эргаш Исмоилов “Металлург” таркибида 26 та учрашувда майдонга чиқди. 1 та гол урди. 1 марта сариқ карточка билан жазоланди. Ўзбекистон кубоги баҳсларида эса 8 та ўйинда тўп сурди. 2 марта огоҳлантирилди.

“Металлург” ПФК Эргаш Исоиловга Бекобод футболи равнақи йўлида қўшган улуши учун миннатдорлик билдиради ҳамда унинг кейинги фаолиятига омад ва муваффақиятлар тилайди", -дейилади "Металлург" клуби берган баёнотда.

Расман: "Металлург" ҳимоячиси клубдан кетди