Йиғилиш давомида жамоанинг ҳозиргача эришган ютуқлари ва йўл қўйилган камчиликлар муҳокама қилинди.

Мажлис давомида клуб раҳбариятида ҳам ўзгариш бўлди. Шу кунга қадар клуб директори сифатида фаолият олиб борга Сергей Кучеренко ўрнига Юсупов Алишер Исмаилович тайинланди.

Алишер Юсупов ҳозирга қадар Шўртан газ-кимё мажмуаси тижорат департаментида меҳнат фаолиятини олиб борган. Рус ва инглиз тилларини мукаммал билади.

Сергей Кучеренко — “Насаф” футбол клуби бош директори биринчи ўринбосари, спорт директори вазифасида фаолиятини давом эттириб, футбол мактаби, турли ёшлардаги аёллар ва эркаклар футбол жамоаларини мувофиқлаштириш, спорт масалаларига жавоб беради.

Ўзингизга маълум, “Насаф” нафақат юртимизда балки халқаро майдонда ҳам ўз ўрнига эга жамоа. Шу ўринда клуб президенти Алишер Юсуповга “Насаф” футбол клубини халқаро нуфузини ошириш, тижорий фаолиятини самарали йўлга қўйиш, мухлислар билан янада яхши ишлаш каби вазифаларни белгилаб берди.

Юсупов Алишер Исмаилович ҳақида қисқача маълумот:

Туғилган жойи: Ўзбекистон
Миллати: ўзбек
Туғилган йили: 06.03.1985
Маълумоти: Олий

"Насаф" футбол клуби матбуот хизмати

⚡️ Эшитдик-да! "Насаф" бош менежери Сергей Кучеренко ўз лавозимини тарк этди

Расман: "Насаф" структурасида ўзгариш бўлди