"Янги мавсум олдидан жамоани янада кучайтириш ва мураббийлар штаби фаолиятини такомиллаштириш мақсадида "кончилар" таркибида муҳим янгиланиш амалга оширилди. Мамлакатимиз футбол ихлосмандларига яхши таниш бўлган Денис Александрович Иванков расман ОКМК ФК мураббийлар штаби аъзосига айланди.
2004 йилдан буён мураббийлик фаолиятини олиб бораётган 53 ёшли тажрибали мутахассис шу кунга қадар "Кимёгар", "Машъал", "Пахтакор", "Насаф", "Нефтчи", "Княжа" (Украина) клублари ҳамда Ўзбекистон миллий терма жамоаси мураббийлар штабида самарали фаолият юритган. Эндиликда, ОКМК ФК ва мураббий ўртасида 2 йиллик шартнома имзоланди", – дейилади клуб матбуот хизмати хабарида.
Аввалроқ Ўзбекистон МТЖ собиқ мураббийи фаолиятини ОКМКда давом эттириши ҳақида хабар берган эдик.
