"Ўзбекистон миллий терма жамоаси ноябрь ойида пойтахтимизда йиғин ўтказиши режалаштирилган. Ушбу йиғин доирасида Сречко Катанес шогирдлари Қозоғистон терма жамоасига қарши халқаро ўртоқлик ўйинида иштирок этади. Учрашув 16 ноябрь куни соат 18:00 да «Пахтакор» стадионида бўлиб ўтиши режалаштирилган.

Осиё кубогига тайёргарлик кўраётган миллий жамоамиз учун сўнгги пайтларда ЎФА томонидан кучли спаринг-шериклар танлаб келинмоқда. Қўшниларимиз Европа Миллатлар лигасида муваффақиятли қатнашиб, «Б» лига йўлланмасини қўлга киритишди. Минтақамиздаги энг кучли терма жамоалар баҳси, ўзига хос дерби футбол мухлислари томонидан узоқ кутилган ва катта қизиқиш уйғотадиган воқеага айланиши шубҳасиз", — дейилади хабарда.

Эслатиб ўтамиз, олдинроқ сайтимиз орқали ушбу ўйин ўтказилиши ҳақида хабар берган эдик.

Расман: Ўзбекистон ва Қозоғистон Тошкентда ўртоқлик ўйини ўтказади