"Championat.asia" берган хабар ўз тасдиғини топди.

Азиз Турғунбоев "Пахтакор" йиғинига қўшилиш учун Дубайга учиб кетди

"Пахтакор" ва "Навбаҳор" футбол клублари ўртасидаги келишувга биноан Азиз Турғунбоев "шерлар"га трансфер қилинди. 27 ёшли футболчи ҳозиргача Суперлигада 110 ўйинда иштирок этиб, 26 гол муаллифига айланган. "Пахтакор" ва Азиз Турғунбоев ўртасида икки йиллик шартномага имзо чекилди. Шу тариқа энди ҳужумкор ярим ҳимоячи тошкентликлар шарафини ҳимоя қилади.

"Пахтакор" футбол клуби Азиз Турғунбоевни жамоамизга ўтиши билан табриклайди. Умид қиламизки, у "Шерлар" сафида янги ғалабалар ва совринларга эга чиқади", - дейилади клуб матбуот хизмати берган хабарда.

Эслатиб ўтамиз, "Шерлар" 30 январь куни Дубайдаги "Жебел Али" стадионида Москванинг "Спартак" жамоасига қарши ўртоқлик ўйинида майдонга тушади.

Расман: "Пахтакор" Азиз Турғунбоев трансферини эълон қилди