Бу ҳақда олдинроқ сайтимизда хабар берган эдик. Энди эса ПФЛ расмий сайти мазкур хабарни тасдиқловчи маълумотни чоп этди.

"Мазкур беллашув 29 апрель — якшанба кунига тайин қилинган бўлиб, унинг 20:00да старт олиши белгилаб қўйилганди. “Локомотив” футбол клуби хавфсизлик масаласи ҳамда стадион атрофида бошланган таъмирлаш ишларидан келиб чиқиб, учрашувни “Бунёдкор” стадионига кўчиришни сўраб, ПФЛга мурожаат билан чиқди. “Спорт” телеканали билан режалаштирилган ўйин вақти эса ўзгармади. Шунингдек, 9-турнинг якшанба куни ўтиши керак бўлган яна 2та учрашувида ҳам вақт масаласи ўзгаришсиз қолди:

“Металлург” - “Бухоро 16:00
“Навбаҳор” - “Нефтчи” 18:00

Тошкент дербисининг “Бунёдкор” стадионида ўтиши мухлисларга ҳам қўшимча қулайликлар яратиши мумкин. 8-турдан ўрин олган “Бунёдкор” — “Локомотив” ўйинига 15 мингдан зиёд футбол мухлиси ташриф буюрди. “Темирйўлчилар”нинг “Пахтакор”га қарши ўйинида ҳам мухлислар ташрифи юқори бўлиши кутилмоқда.

Маданий хордиқ чиқариш истагида бўлган юртдошларимиз йилнинг энг яхши ўйинларидан бирини дам олиш куни “Бунёдкор” стадионида томоша қилишлари мумкин", - дейилади ПФЛ расмий сайтида берилган хабарда.

Расман: ПФЛ "Локомотив" - "Пахтакор" учрашуви "Бунёдкор" стадионида ўтишини тасдиқлади