“Сантьяго Бернабеу”даги реконструкция ишларини тезлаштириш мақсадида жамоа 2019/20 йилги мавсум уй учрашувларини “Альфредо ди Стефано” ўйингоҳида ўтказади.

“Испания чемпионатининг қолган уй учрашувларини захира жамоаси ("РМ Кастилья") майдонида ўтказишга қарор қилдик. Бу эса бизга “Сантьяго Бернабеу”даги реконструкция ишлари жадаллашишига кўмаклашади”, дейди клуб раҳбари.

“Альфредо ди Стефано” ўз бағрига олти минг томошабинни сиғдира олади. Арена Ла Лиганинг барча талабларига жавоб беради – замонавий ёритиш ҳамда видеоассист тизими (ВАР).

Испания чемпионати рестарти 11 июнь куни “Севилья” — “Бетис” баҳси билан бошланади. “Реал” эса узоқ танаффусдан кейин илк учрашувини 14 июнда уйда “Эйбар”га қарши ўтказади.

Расман: “Реал” Ла Лига рестартидан кейин қолган баҳсларни бошқа стадионда ўтказади