Бу ҳақда клубнинг твиттердаги расмий саҳифасида эълон қилинди. Келишувга кўра, 24 ёшли эронлик 3,5 йил мобайнида питерликлар шарафини ҳимоя қилади.

Аввалроқ, "Зенит" футболчи учун 12 миллион евро атрофида товон пули тўлаши ҳақида маълумот берилганди. Азмун Россиядаги 5,5 йиллик ("Рубин", "Ростов") фаолияти давомида 154 учрашувда иштирок этиб, 42 бор рақиблар дарвозасини ишғол қилди.

Бундан ташқари, Сардор Эрон термаси сафида 56 ўйинда 28та гол урган. Жорий мавсум Россия чемпионатида Азмун 14та баҳсда ҳаракат қилди ва 8 марта голли вазиятларда қатнашди (4та гол, 4та ассист).

Расман: Сардор Азмун — "Зенит" клуби аъзоси