"Динамо Киев" мураббийлар штабида фаолият кўрсатаётган собиқ ҳужумчи Максим Шацких эндиликда Украина чемпионатининг энг яхши тўпурари эмас.
Премьер лиганинг расмий сайтида бу ҳақда хабар берилди.
Айтилишича, 1999 йилги чемпионат доирасида бўлиб ўтган "Динамо Киев" - "Прикарпатье" (6:0) учрашувида Шацкихга ёзилган гол аслида автогол бўлган ва расмий қайдномада видео такрордан кейин ўзгартирилди.
Шу сабабли, Шацкихнинг урган голлари сони 123тага тушди. Сергей Ребров ҳисобида ҳам 123 гол мавжуд.
Максим Шацких эндиликда тўпурарлар пойгасида Ребров билан биргаликда пешқадамликни бўлишиб турибди.
Унга қадар ҳамюртимиз бу борада якка пешқадам бўлиб турганди.

Украина чемпионати тарихидаги энг яхши тўпурарлар рўйхати (топ-5)

1-2. Сергей Ребров (Шахтер, Динамо) – 123 гол

1-2. Максим Шацких (Динамо, Арсенал, Говерла) – 123

3. Евгений Селезнев (Шахтер, Арсенал, Днепр) – 111

4. Андрей Воробей (Шахтер, Днепр, Арсенал, Металлист) – 105

5. Андрей Ярмоленко (Динамо) – 97

Расман: Шацких Украина чемпионатининг энг яхши тўпурарлигидан маҳрум этилди