Туриннинг "Ювентус" клуби спорт директори Федерико Керубини 30 июнь куни клубни тарк этади, дея хабар бермоқда клуб матбуот хизмати.

Хабар қилинишича, Керубини "кекса синьора" сафига 2012 йилда қўшилган ва ўшандан бери турли лавозимларда ишлаб келмоқда. У 2018 йилда спорт директори этиб тайинланган.

Эслатиб ўтамиз, Федерико Керубини клуб капитал даромадларини манипуляция қилиш билан боғлиқ можарога аралашганди. Бунинг учун у ўтган йилнинг январь ойида 16 ойга дисквалификация қилинган эди.

Расман: "Ювентус" спорт координатори клубни тарк этади