Дубайнинг "Ал Наср" клуби ўзбекистонлик футболчи билан 1,5 йиллик шартнома тузганини эълон қилди. Ҳамдамов "Пахтакор" билан шартномаси якунлангани боис "Ал Наср"га эркин агент сифатида кўчиб ўтди.

Эслатиб ўтамиз, championat.asia сайти 7 январь куни Ҳамдамов "Ал Наср"га кўчиб ўтиши ҳақида хабар берганди.

Маълумот учун, Дубайнинг "Ал Наср" клуби 1945 йилда ташкил топган. Ўз уй ўйинларини 15058 томошабинга мўлжалланган "Ал Мактум" стадионида ўтказади. Жамоани айни пайтда хорватиялик Крунослав Юрчич бошқармоқда. БАА про лигасида 12та турдан кейин "Ал Наср" 24 очко билан мусобақа жадвалида 3-ўринда бормоқда. Клуб сафида Райан Мендес (Кабо Верде), Брандли Кувас (Кюрасао), Диа Саба (Исроил), Тозе (Португалия) каби легионерлар фаолият олиб бормоқда.

Расмий хабар: Достонбек Ҳамдамов "Ал Наср" билан шартнома тузди