"Бунёдкор" футбол клуби тарбияланувчиси ҳисобланган ҳамда ушбу жамоада 7 мавсумни ўтказган ва 2022 йилдан эътиборан эркин агентга айланган иқтидорли ҳужумкор ярим ҳимоячи Хуршид Ғиёсов АГМК футбол клуби билан 2 йиллик шартнома имзолади.

Хуршид Ғиёсов бир муддат "Обод" ва Жанубий Кореянинг "Аньянг" клубларида ҳам фаолият юритган. Футболчи фаолияти давомида клуб тизимида жами 153 ўйин ўтказган ва рақиблар дарвозасига 37та гол уришга муваффақ бўлган.

Эндиликда АГМК аҳил оиласининг аъзосига айланган Хуршид Ғиёсовга фаолиятидаги янги чақирув омадли ва муваффақиятли бўлишини тилаб, Олмалиққа хуш келибсан, Хуршид дея иқтидор соҳибини жамоамизга илиқ қабул қиламиз",- дея хабар бермоқда АГМК матбуот хизмати.

Хуршид Ғиёсов ҳақида қисқача маълумот: футболчи 1995 йил, 13 апрель куни таваллуд топган. Севимли рақами — 10.

Эшитдик-да! Хуршид Ғиёсов АГМКга ўтмоқда

Расмий хабар. Хуршид Ғиёсов - АГМК футболчиси