Бу ҳақда championat.com хабар бермоқда.

Ravon ва Россия терма жамоаси ҳамкорлиги россияликларнинг Жанубий Корея ва Эронга қарши бўлиб ўтадиган икки назорат ўйинидан бошланади. Ҳомийлик шартномасида Ravon кенг турдаги реклама ҳуқуқларидан фойдаланиши мумкин.

"Биз Россия терма жамоаси билан ҳамкорликни бошлаганимиздан жуда хурсандмиз! Мамлакатнинг асосий жамоаси ўсиб бормоқда, ёш футболчилар таркибда муҳим ўринларни эгаллашмоқда. Бу ривожланишни сезмаслик қийин ва россияликлар назорат учрашувларида, 2018 йилги жаҳон чемпионатида сайёрамизнинг кучли терма жамоаларига қарши баҳсларда ёрқин ўйин кўрсатишларига ишонаман. Бу ҳамкорлик Ravon маркаси мухлислари доирасини кенгайтиради ва брендга ёш, спортга ошиқ инсонлар қизиқишини орттиришига иймоним комил" - дейди "Равон Моторс Рус" бош директори Шараф Ашуров.

"Россия футбол иттифоқи "Равон Моторс Рус" билан ҳамкорликни бошлаганидан мамнун. Бизнинг ҳамкорлигимиз узоқ ва фойдали бўлишига ишонаман" - дейди РФИ бош директори Александр Алаев.

РФИ расмий сайтининг хабар беришича, Ravon маркаси келажакда Россия терма жамоасига 2018 йилги жаҳон чемпионати йўлида ёрдам кўрсатади.

Ravon - Россия терма жамоасининг янги расмий ҳамкори