Йиғилишни ЎФА 1-Вице Президенти Равшан Эрматовнинг шахсан ўзи олиб борди ва муносабатларини билдирди. Хусусан, собиқ ФИФА рефериси дастлаб VAR тизимига тўхталди.
"Ҳали кўп мамлакатларда йўқ VAR тизимини тадбиқ қилдик. Адолатни жойига қўйиш, ҳакамларни хатолардан ҳимоя қилиш учун жорий қилдик. Аввалги замонларда бўлгани каби биттада кўриш қийин, улгурмаслиги мумкин. Ҳозир VAR бор, шу билан хато қилсак одамлар нима дейди? Мухлисларни ишончини оқлаймиз, деб ҳаракат қиляпмиз. Футболни сифатини ошириш учун, одамларни стадионларга қайтариш учун амалга оширмоқдамиз. Ҳакамлик сифати футбол сифатидан пас бўлмаслиги керак. Мухлислар келиб футболдан, ҳакамлар, мураббийдан рози бўлиб сотиб олган чиптасига миннатдор бўлиб кетиши керак. Асосий мақсадимиз ҳам шу.
Ёшлар, халқаро мусобақаларни қабул қилдик, мухлислар қайтмоқда. Лекин ҳакамнинг битта қарори бир пулга чиқариши ҳеч гапмас. VAR арзон нарса эмас, унинг пулига қанча майдон қурсак ҳам бўларди. Лекин ҳакамларга ёрдамчи бўлсин, хатосини тўғирласин деяпмиз",- дейди Равшан Эрматов.
Изоҳлар