"Охирги 5-10 дақиқани инобатга олмаганда ўйинни яхши ўтказдик деб ҳисоблайман. Омадсиз учрашувлар сериясини давом этмоқда. Афсуски, яна сўнги дақиқаларда гол ўтказиб юбориб мағлубиятга учрадик. Лекин, умуман олганда ёмон ўйнамадик. Вақти-вақти билан ҳужумлар уюштириб турдик. Қарши ҳужумларда вазиятлар ҳосил қилдик. Иккинчи бўлимда "Металлург" жамоаси ўйинни кучайтирди. Биз эса ҳимояга ўтириб қолдик, тўп назоратини ҳам рақибга топширдик. Ҳисоб ўйинга мос бўлмади.

Охирги дақиқаларда бизда куч қолмади. Ҳисобни сақлаб қолиш синдроми, вазиятлардан фойдалана олмаслик панд берди. Захирадан майдонга тушган футболчимиз тез жарохат олди, яна бир нечта ўйинчиларимиз бугун жарохат сабаб иштирок эта олмади.

Натижа ўхшамаётгани ҳақида? Масалан бугун ҳам ёш футболчилар тактик жиҳатдан ёмон ҳаракат қилмади, қанотларда ўйнашди. Уларга тажриба етишмади. Шундай ўйинлар орқали улар тажриба тўплаб боришади. Умумий қилиб айтганда омад етишмади бу ўйинда. Охирги дақиқаларда консентрацияни ушлаш ва натижа учун ўйнашни ўрганишимиз лозим",- дейди Равшан Ҳайдаров.

Равшан Ҳайдаров: "Ҳисоб ўйинга мос бўлмади"