"Мадрид" Европа ТОП-чемпионатларида жарима зарбаларини голга айлантириш бўйича 35-ўринни эгаллаб турибди. Шу билан бирга биргина Месси "қаймоқранглилар"дан 2 марта кўпроқ имкониятга жарима зарбаси амалга ошириш имкониятига эга бўлди. "Барселона" 57 марта жаримадан зарба берди, табиийки уларнинг аксариятини Лео амалга оширган ва жамоа 8 бор бевосита жаримадан берилган зарба орқали гол уришга эришди.

Қизиқ жиҳати, "Реал"нинг жаримадан охирги голини Дани Себальос урган ва ўшандан буён ТОП-5 лигаларда 81 жамоа камида бир мартадан гол урди. Испан жамоалари орасида фақатгина "Уэска", "Осасуна", "Райо Вальекано", "Жирона" ва "Мальорка" мадридликлар каби гол уришни уддалай олишмаган.

Қолганларга қараганда кўпроқ имкон Гарет Бэйлда бўлган. Фикримизча, жарима зарбалари сони бўйича етакчилар қаторида Каземирони кўриш бироз кутилмаган вазият.

Криштиану Роналду жамоани тарк этгунга қадар 33 бор жарима зарбаларидан гол уришга эришган. Лекин бунинг учун унга 444 марта имкон керак бўлган.

Португалиялик кетганидан сўнг "Мадрид" фақатгина икки бор бевосита жарима зарбасини голга айлантира олган. Биттаси ўша эслаганимиз Себальосга тегишли бўлса, иккинчиси Иско - 2018 йил сентябрь ойида "Рома" дарвозасини ишғол қилганди.

Ким билади дейсиз, бир йилдан буён бевосита жаримадан гол ура олмаётган "Мадрид" бугун Суперкубок финалида ўзи учун бу нохуш анъанага якун ясар.

"Реал" бир йилдан буён жарима зарбасидан гол ура олмаяпти