Мадридликлар бирдан назоратни ўрнатишди: Тони Кроос 13-дақида ўзининг ажойиб ва ҳақиқий "қиролча" паси билан Винисиусни Марк-Андре тер Штеген билан бирга-бир чиқариб юборди. Бразилиялик гол ура олмади, аммо Карим Бензема иккинчи темпда рақибни жазолади.

"Реал" ортга чекинди ва устунликни Хави жамоасига берди, "Барса" эса вазиятни ўнглашга ҳаракат қилди. Левандовскининг ўта қулай вазиятдан фойдалана олмаганидан ташқари, дарвоза чизиғи олдида бошқа хавфли вазият ярата олишмади. 35-дақиқада эса Каталониядан келганлар иккинчисини ҳам қабул қилиб олишди.

Бу ҳужум ҳам тезлик билан майдон марказида ташкил этилди. Феде Вальверденинг якка ўзи жарима майдончаси остонасида ёлғиз қолдирилди, у бемалол тўпни ўзига ўнглаб олди ва Тер Штеген қўриқлаётган зарбани ишғол қилди.

"Барса" иккинчи таймда кўпроқ ҳужум қилди, Ферран Торрес 83-дақиқада ҳатто битта гол ҳам уришга эришди ва ўйин сўнггида интригани қайтарди. Аммо, каталонияликлар ундан кўпроғини қила олишмади: Эрик Гарсиянинг фолидан сўнг, Родриго пенальтидан гол урган ҳолда, "Барса"ни таслим этди.

Адолатли 3:1 ҳисоби.

"Реал" – етакчи ва мағлубиятларсиз кетмоқда. "Барса" эса илк мағлубиятни қабул қилиб олди

"Барселона" чемпионатда илк бор ютқазди, "Реал" эса яққол етакчига айланиб олди.

• "Реал" 14та ўйинда 12тасини ўзиники қилди – бу жамоанинг сўнгги беш йилдаги энг яхши старти. Мадридликлар барча мусобақаларда кетма-кет 17та ўйиндан бери мағлубиятга учрашмаяпти. 1928 йилдан бери мавсумни бу қадар яхши бошлашмаганди.

• Бу класикода "Реал"нинг 101-ғалабаси, "Барса" ҳали юзталикка етмади – 97та ғалаба ва 52та дуранг. "Мадрид" сўнгги 11та класикодан 6тасида ғалаба қозонди, "Барса"да эса 3та ғалаба.

• Хави "Барселона" бош мураббийи сифатида учтадан иккинчи класикосини бой берди. У январда Испания Суперкубокида мағлуб бўлганди, мартда эса "Сантьяго Бернабеу"да 4:0 ҳисобидаги ғалаба эса барчанинг эсида бор. Аммо, ўша ўйин чемпионлик пойгасида ёрдам бермаган.

• Хави "Барселона" билан 50та ўйинида 28та ғалабага эришди – у дастлабки босқичдаги статистика борасида Франк Райкарддан сўнг энг ёмони. У 56% билан эса 2001 йилдан бери Лоренцо Сарра Феррердан кейин энг салбий натижа қайд этмоқда.

ВИДЕО ЛаЛига. "Реал Мадрид" - "Барселона" 3:1

• Бу гол бугун "Олтин тўп"ни олиши керак бўлган бўлган Карим Бензема учун августдан бери биринчиси бўлди. Француз эндиликда "Барса"га қарши ўйиндаги тўпурарлар рўйхатида афсонавий Сантильяна билан саккизинчи ўринни эгаллаб турибди. Карим шунингдек тер Штегеннинг қуруқ суперсериясига ҳам якун ясади – немис бунга қадар Ла Лигада 636 дақиқа тўп ўтказмаганди.

• Қизиқарли факт: "Мадрид" Ферлан Менди майдонга тушган пайт умуман класикони ютқазмаяпти – бешта ғалаба ва битта дуранг. Ферлан кечаги ўйинда шунчалик яхши ўйнадики, Хави ўша қанотда ўйнаган Рафиньяни ўйиндан олишига тўғри келди.

"Реал" – "Барселона" 3:1 (2:0, 1:1)

Голлар: 1:0 – 12 Бензема, 2:0 – 35 Вальверде, 2:1 – 83 Ферран Торрес, 3:1 – 90, пенальти Родриго.

"Реал": Лунин, Карвахаль (Рюдигер, 88), Алаба, Милитао, Менди, Модрич (Камавинга, 78), Кроос, Тчуамени, Вальверде, Бензема (Асенсио, 88), Винисиус Жуниор (Родриго, 85).

"Барселона": тер Штеген, Серджи Роберто, Кунде, Эрик Гарсия, Бальде (Альба, 60), Бускетс (Гави, 60), де Йонг, Педри (Кессиэ, 83), Левандовски, Дембеле (Фати, 73), Рафинья (Ферран Торрес, 60).

Огоҳлантиришлар: Винисиус Жуниор (30), Модрич (75), Гави (81), Кессиэ (90).

Алишер Остонов таржимаси

"Реал" класикони олди. "Барса" биринчи таймдаёқ мағлуб бўлди