"Реал Мадрид" – "Мальорка" 4:1
11 сентябрь, "Сантьяго Бернабеу" стадиони
Голлар: 0:1 – 35 Мурики, 1:1 – 45 Вальверде, 2:1 – 72 Винисиус Жуниор, 3:1 – 89 Родриго, 4:1 – 90 Рюдигер.

"Реал Мадрид" – Куртуа, Алаба, Рюдигер, Менди (Начо, 59), Кроос, Себальос (Камавинга, 69), Вальверде, Васкес (Карвахаль, 71), Азар (Модрич, 59), Винисиус Жуниор, Родриго.

"Мальорка" – Райкович, Маффео, Настасич, Раильо, Вальент, Коста, Дани Родригес (Гренье, 59), Батталья (Баба, 53), Руис де Галаррета (Санчес, 59), Ли Кан Ин (Лаго Джуниор, 78), Мурики (Пратс, 78).

Огоҳлантиришлар: Настасич (16), Менди (25), Маффео (25), Вальверде (34), Раильо (39), Алаба (81), Вальент (85), Санчес (85).

Ла Лига мусобақа жадвали ва тўпурарлар рўйхати билан танишинг

Ушбу саҳифада учрашувнинг матнли трансляциясини кузатиб боришингиз мумкин бўлди.

ЯНГИЛАШ

Бўлди, ҳакамнинг финал ҳуштаги янгради ва "Реал" иродали, лекин шу билан бирга йирик ва нисбатан осон ғалабани тантана қилди.

Ҳакам "VAR"га қулоқ тутди ва ҳаммаси жойидалигини маълум қилди. Буниси энди йирик ҳисоб.

90+3-дақиқа. ГОООООЛ! Рюдигер ҳужумга келди ва Крооснинг узатмасидан кейин тўпни дарвозага йўллади.

90-дақиқа. Ўйиннинг асосий вақтига 4 дақиқа қўшиб берилди.

89-дақиқа. ГОООООООЛ! Родриго рақиб ҳимоясини бир нималар қилиб ташладида хуллас. Таърифга сўз ожиздек назаримда.

88-дақиқа. Энди Камавингага нисбатан фол.

87-дақиқа. Винисиус ўйиндан завқ олмоқда ва ҳар бир ҳаракатига қўшимча сифатида реакциясини ҳам қўшиб қўймоқда.

85-дақиқа. Яна уша иш ва бу сафар ҳакам меҳмонлар вакили Винисиусга нисбатан фол ишлатди деб топди.

Винисиус рақибни "нервига" тейишни бошлади. Рақиблари ҳам уни аяб ўтирмоқчи эмас.

83-дақиқа. "Мальорка" кетма-кет иккинчи марта бурчак зарбасини амалга оширади.

79-дақиқа. Ўзгаришлар! Ли Кан Ин ва Мурики кетди, Лаго Жуниор ҳамда Абдон ўйинга қўшилди.

77-дақиқа. " Water break" учун пауза.

75-дақиқа. "Мальорка" Куртуа дарвозаси олдида вазият яратишга уринмоқда.

Бу ерда албатта Лука Модрич ҳужумни бошлаб берганини ҳам айтиб ўтиш лозим.

72-дақиқа. ГОООООООЛ! Родриго+Винисиус! "Мадрид" ҳисобда олдинга чиқиб олди 2:1.

70-дақиқа. Ўзгариш! Лукас Васкес ўрнига Дани Карвахаль. Мажбурий ўйинчи алмаштиришга қўл урди Карло Анчелотти.

69-дақиқа. Ўзгариш! Ёмон ўйнамаган Себальос ўрнига ҳужумга фаолроқ қўшиладиган Эду Камавинга.

65-дақиқа. Ҳозир "Мальорка" футболчиси қандай қилиб гол ура олмаганини ўзи ҳам тушунтириб беролмаса керак. Меҳмонлар яна ҳисобда олдинга чиқиб олишлари мумкин эди.

61-дақиқа. Лукас Васкеснинг айланма зарбасидан кейин тўп дарвоза тўққизлигига бориб тушишига сал қолди.

60-дақиқа. Ўзгаришлар! Менди ҳамда Азар ўрнига Начо ва Модрич ўйинга қўшилди.

59-дақиқа. Ўзгаришлар! Иньиго Руис ва Дани Родригес ўрнига Клеман Гренье ҳамда Антонио Санчес майдонга тушди.

58-дақиқа. Тони Крооснинг зарбасига аниқлик етишмади.

55-дақиқа. "Реал" рақибни қамал қилишда давом этмоқда.

Родриго зарба учун вазият яратди, лекин унинг уриниши кўнгилдагидек чиқмади.

50-дақиқа. Меҳмонлар қарши ҳужумга қочиб кетишлари мумкин эди. Бироқ Мурикининг узатмасига аниқлик етишмади.

49-дақиқа. "Мальорка" тўпни назорат қилмоқда.

"Реал" дарҳол ҳужумга ташланди. Винисиус тўпни ўзидан узоқлаштириб юборди ва фол ишлатишга мажбур бўлди.

46-дақиқа. Иккинчи бўлим бошланди!

45+3-дақиқа. ГООООЛАСО! Федерико Вальвердедан шедевр! Бу голни шунчаки кўриш керак.

45-дақиқа. Биринчи бўлимнинг асосий вақтига 4 дақиқа қўшиб берилди.

44-дақиқа. Себальос охиргача курашди ва рақибларини доғда қолдириб, тўпни Виннига узатди, бразилияликнинг зарбасига эса аниқлик етишмади.

36-дақиқа. ГОООООООЛ! "Мальорка" ҳисобни очмоқда. Ли Кан Иннинг узатмасидан кейин Ведат Мурики тўпни боши билан дарвоза тўрига йўллади 1:0.

35-дақиқа. Огоҳлантириш! Вальверде катта тезликда олдинга ўтган Маффеони йиқитгани учун карточка ишлаб олди.

33-дақиқа. Вальверденинг зарбаси кучли, аммо жуда ноаниқ чиқди.

32-дақиқа. Лукас Васкес Ли Кан Иннинг узатмасини ўтказмади.

Ўйинда пауза юзага келди.

29-дақиқа. "Реал"нинг узоқ давом этган ҳужуми Себальоснинг зарбаси билан якунланди, тўп ҳимоячилардан бирини майдонга қулатди. Шифокорлар ёрдами зарур.

27-дақиқа. Кроос-Вальверде-Родриго комбинацияси гол бўлишига дарвозабон йўл қўймади.

Тўпга эгалик қилиш бўйича кўрсаткич 55% - 45% мезбонлар фойдасига.

25-дақиқа. Огоҳлантириш! Ферлан Мендга сариқ.

22-дақиқа. Навбатдаги зарба Райкович учун муаммо туғдирмади.

20-дақиқа. Ўзи тўпни олиб қўйиб, олдинга ошиққан Родригонинг охирги зарбаси ўхшамади.

17-дақиқа. Тўп олдида Алаба ва Кроос. Зарбани германиялик амалга оширди, лекин тўп "жонли девор"дагиларга тегиб қайтди.

16-дақиқа. Огоҳлантириш! Ушбу фоли учун Матия Настасич огоҳлантирилди.

15-дақиқа. Лукас Васкесга нисбатан жуда кескин ўйналди. Хавфли ўйин ва хавфли жарима зарбаси.

14-дақиқа. Бугун умрида илк бор "қироллик клуби"ни сардор сифатида майдонга олиб тушган Тони Кроос узоқ масофадан зарба йўллади.

13-дақиқа. "Реал" рақиб ҳимоясининг заиф нуқталарини излаш билан оввора.

10-дақиқа. Винисиус тезликда қанотдан ўтиб кетиб, жарима майдончасига ёриб кириб кетаётганди, аммо... Тўпни ўзидан узоқлаштириб юборди ва кипер уни эгаллаб олди.

7-дақиқа. "Реал" секин-аста ўйин назоратини ўз томонига оғдирмоқда.

5-дақиқа. Дани Себальос жарима майдончасига кираверишдан зарба бериш учун имкон топди, лекин Райкович ишончли ҳаракат қилди.

4-дақиқа. "Реал" тўпни назорат қилмоқда.

2-дақиқа. Бурчак зарбасидан эса "Мальорка" наф чиқара олмади.

Илк дақиқадаёқ меҳмонлар ҳисобни очиши мумкин эди. Ведад Мурики қулай нуқтага чиқиб борди ва фақатгина Тибо вазият гол билан якунланишига йўл қўймади.

1-дақиқа. Ўйин бошланди!

Сардорлар бош ҳакам билан расмиятчиликларни ҳал қилиб олишмоқда.

Жамоаларнинг асосий таркиб аъзолари майдонга тушиб келишди.

ЛА ЛИГА ТУРНИР ЖАДВАЛИ

Ла Лига. "Реал" йирик ҳисобда ғалаба қозонди. "Мальорка"нинг кучи иккинчи бўлимга етмади