"Қаймоқранглилар" ўнг қанот ҳимоясини кучайтириш ниятидалар ва ёш иқтидорли футболчини ўз сафларига қўшиб олиш ҳаракатига тушиб қолишди.

Клуб раҳбарияти айнан 21 ёшли Одриосолага асосий таркиб футболчиси Дани Карвахалга рақобатчи ва зарур пайтда унинг ўрнини эгалловчи футболчи сифатида қарашмоқда.

Эслатиб ўтамиз, Карвахаль юрагидаги муаммолар туфайли сафдан чиққанди.

Одриосола "Сосьедад" тарбияланувчиси ҳисобланади ва бош жамоада шу йилнинг январь ойида дебют учрашувини ўтказди. Бу мавсумда Альваро тўққиз ўйинда майдонга тушди ва икки бор шерикларига голли узатма етказиб берди.

Куни-кеча Одриосола Испания термаси сафида ҳам дебют қилди. Унда "Қизил фурия" ЖЧ-2018 саралаши доирасида Албанияга (3:0) ҳеч қандай имконият қолдирмади.

Ҳимоячининг "Реал Сосьедад" билан амалдаги шартномаси 2022 йилгача мўлжалланган ва товон пули 40 млн евро этиб белгиланган.

"Реал Мадрид"га "Реал Сосьедад" ўнг қанот ҳимоячиси керак