Бироздан сўнг "Барселона" ва "Реал Мадрид" ўртасида Испания кубоги ярим финал учрашуви ўтказилади. Ўйиндан олдин "Реал" мухлислари "Барселона" пул тўлаган ҳакамлар қўмитаси раҳбари бўлмиш Негрейра иши бўйича норозилик намойишини ўтказишди. "Реал Мадрид" мухлислари ушбу намойишда "Барса" президенти Жоан Лапорта сурати туширилган банкноталарни сочиб, "федерацияда коррупция" деб бақириб юришди.
Олдинроқ, Каталония клуби 2016-2018 йилларда ўша пайт ҳакамлар қўмитаси вице-президенти бўлган Хосе Мария Энрикес Негрейрега 1,4 млн. евро ўтказиб бергани айтилган эди. Клубдагилар бу тўлов ёш футболчилар ҳисоботи ва ҳакамлик учун амалга оширилган дейишди. Кейин "Барселона" Негрейрега 2003 йилдан бери умумий 4,7 млн. евро тўлагани маълум бўлди.
Изоҳлар