Манбага кўра, "қаймоқранглилар" бош мураббийи Карло Анчелотти Гарсияни асосий таркибда кўрмоқчи. 23 ёшли испанияликни жамоада ҳурмат қилишади. Шунингдек, Гарсияга "Севилья" ҳам оғиз солган.
Гарсия – "Реал" тарбияланувчиси. У "Райо Вальекано"га 2021 йилнинг июлида бориб қўшилган. Унинг клуб билан амалдаги келишуви 2025 йилгача мўлжалланган. Transfermarkt портали футболчининг нархини 8 миллион еврога баҳоламоқда.
Гарсия жорий мавсум "Райо Вальекано" сафида барча турнирларда 15 та ўйинда майдонга тушди ва 2 та голли узатмани амалга оширди.
