Мадриднинг "Реал" клуби "Эспаньол"дан ижарага олинган ҳужумчи Хоселуни сотиб олади, деб хабар берди AS.

Унинг трансфер суммаси 1,5 миллион еврони ташкил қилади.

Испаниялик футболчи октябрь ойида "қироллик клуби"да қолиш истагини билдирганди. "Қаймоқранглилар"да ўйинчини сотиб олиш имконияти бор.

33 ёшли ҳужумчи жорий мавсум барча мусобақаларда 35 та ўйинда қатнашиб, 13 та тўп киритди ҳамда 4 та голга ассистентлик қилди.

Аввалроқ "Челси" "Реал" футболчисини сафига қўшиб олмоқчи экани ҳақида хабар берилган эди.

"Реал" Хоселунинг келажаги борасида бир қарорга келди