"Реал" Ла Лиганинг 10-турида "Барселона"ни 2:1 ҳисобида мағлуб этди.

Иккинчи бўлимга қўшилган 10-дақиқада "Барса" яримҳимоячиси Педри орқадан жарима билан Орельен Тчуаменига қарши ўйнагани учун иккинчи сариқ карточкани олди. Унинг майдондан четлатилиши ортидан захира ўриндиқлари ёнида тортишув бошланди.

Ҳакам Сесар Сото Градонинг ўйиндан кейинги ҳисоботида қайд этилишича, "Қироллик клуби"нинг захира дарвозабони Лунин мазкур можародан кейин "рақиб захира ўриндиғи томонга агрессив тарзда яқинлашгани" учун қизил карточкага муноси кўрилган.

The Athletic нашри ёзишича, "Реал" дарвозабони Винисиус Жуниорни рақиб футболчилари ҳужумларидан ҳимоя қилаётган чоғда қизил карточка олган. Ундан олдин украиналик дарвозабон ўрнини тарк этганидан норози бўлган бразилияликни тинчлантиришга уринган.

Мадрид клубидаги аноним манбаларнинг айтишича, улар Лунининг нега майдондан четлатилганини тушунишмаяпти ва клуб апелляция беради. Жанжал пайтида ҳозир бўлганлардан бири шундай деган: "Барселона"нинг бутун захира ўриндиғи Вини томон юзланди, Лунин эса уни ҳимоя қилиш учун унинг олдига ўтди".

"Реал"дагилар Лунин нега майдондан четлатилганини тушунишмаяпти