"Манчестер Юнайтед" ҳужумчиси Маркус Рэшфорд жума куни клуб машғулотини ўтказиб юборди. Интернет тармоғида эса футболчи чоршанба куни Белфастдаги тунги клублардан бирига ташриф буюргани акс этган видео тарқалди. Футболчига яқин инсонларнинг маълум қилишича, Маркуснинг қорни очган ва у ерга овқатланиб олиш учун кирган. Соғлиғидаги муаммо туфайли эса ортга қайтиш учун рейсини бошқа кунга ўзгартиришга мажбур бўлган.

"Қизил иблислар" устози Эрик тен Хаг шогирди Рэшфорд саломатлиги билан боғлиқ муаммо туфайли жамоа машғулотини ўтказиб юборганини маълум қилди.

Бугун кечаси "Манчестер Юнайтед" Англия Кубоги доирасида "Ньюпорт Каунти"га қарши ўйин ўтказади. Рэшфорднинг ундаги иштироки ҳозирча сўроқ остида қолмоқда.

Рэшфорд МЮнинг жума кунги машғулотини ўтказиб юборди