Маркус Решфорднинг келажаги фақат мавсум якунида аниқ бўлади. The Independent хабар беришича, "Астон Вилла" ижара муддати тугагач, "МЮ" ҳужумчисини тўлиқ трансфер қилишни истаяпти. Ўз навбатида, манкунианликлар АПЛ молиявий қоидаларига янада яхшироқ риоя қилишлари лозим. Шунинг учун Рэшфордни имкони борича қимматроққа сотиш керак бўлади. Катта эҳтимол билан, Аморим Рэшфордни кейинги мавсум режаларига киритмайди.

Шу билан бирга, "Ман Юнайтед" "Астон Вилла" ҳужумчиси Олли Уоткинсга қизиқиш билдирмоқда, аммо музокараларнинг мураккаблиги сабабли бу трансферни Рэшфорд харидига боғлаб бўлмайди.

Рэшфорднинг ўзи "Астон Вилла"даги ўрни, жамоа ва бош мураббий Унаи Эмери билан муносабатларидан мамнун. Бироқ, Маркус ва унинг яқинлари ёзгача футболчининг келадагини муҳокама қилишни режалаштирмаяпти, чунки футболчи мавсумнинг қолган қисмига, Англия кубоги ва Чемпионлар лигасига йўлланма олишга бор эътиборини қаратмоқда.

Решфорд қишки трансфер ойнасида "Астон Вилла"га ўтганди. У бирмингемликлар сафида 17 та ўйинда 4 та гол ва 5 та голли узатма қайд этди.

Рэшфорднинг келажаги мавсум якунлангач маълум бўлади