“Рейнжерс” гуруҳ босқичидан ўрин олган барча учрашувларда ютқазди ва 2 та гол уриб, 22 та тўп ўтказиб юборди.

Шу тариқа, Жованни ван Бронкхорст шогирдлари 2011/12 йилги мавсум “Динамо З” томонидан ўрнатилган антирекордни янгилашди. Барча ўйинларни ютқазган загребликларда тўплар нисбати 3:22 эди. Ундан аввалги энг ёмон натижа эса 2002/03 йилги мавсум “Спартак М” томонидан кўрсатилган – 0 очко, тўплар нисбати 1:18.

Қайд этиш жоизки, “Виктория Пльзень” “ўлим гуруҳи”да “Бавария”, “Интер” ва “Барселона”га умуман қаршилик кўрсатолмади ва тўплар фарқи бўйича “Динамо З”нинг натижаси (-19)ни такрорлади.

"Рейнжерс" – ЕЧЛ гуруҳ босқичи тарихидаги энг ёмон жамоа