Осиё кубоги нимчорак финал босқичидан ўрин олган Корея Республикаси ва Саудия Арабистони терма жамоалари ўртасидаги ўйин драматик тарзда ўтди. Учрашувнинг асосий вақтига қўшиб берилган дақиқаларда ҳисобни тенглаштирган Корея Республикаси терма жамоаси якунда пенальтилар сериясида Саудия Арабистонини мағлубиятга учратди.
Қизиғи шундаки, Саудия Арабистони термаси бош мураббийи Роберто Манчини пенальтилар серияси якунланмасдан майдонни тарк этишга қарор қилди. Абдулраҳмон Ғариб саудияликларнинг иккинчи ноаниқ зарбасини амалга оширганидан сўнг, Манчини кийиниш хонасига йўл олди. Шундан сўнг, Хванг Хи Чан сўнгги зарбани аниқ амалга оширди ва Корея Республикасига чорак финал йўлланмасини тақдим этди. Мураббийнинг ҳаракатлари эса кескин муҳокамаларга сабаб бўлди.
Изоҳлар