"Sky Sport Italia" хабарига кўра, 31 ёшли футболчининг Римга ўтиш масаласи айнан бугун ҳал бўлиши кутилмоқда. Томонлар шартноманинг асосий бандларини келишиб олишган. Якуний қарор футболчининг ўзига берилган.

Вейналдумнинг ўзи эса "Рома"га ўтиш учун маошининг пасайишига ҳам рози. ПСЖ эса "Рома"дан 1 миллион евро бонус пулларини талаб қилмоқда.

Италия матбуотининг хаба беришича, трансфер ишлари 48 соат ичида якунланади ва нидерландиялик футболчи "Рома"га ўтади.

Вейналдум яна жамоада етакчи футболчи бўлишни ва кўпроқ ўйин амалиётига эга бўлишни истайди.

Якунланган мавсумда марказий ярим ҳимоячи ПСЖда 38 ўйинда қатнашиб, 3тадан гол ва ассист қайд этди.

"Рома" яна бир супер трансфер амалга ошириши мумкин