Криштиану Роналду фаолиятини Саудия Арабистонида давом эттиришга яқин турибди.

"Marca" журналисти Хосе Феликснинг айтишича, ҳужумчи Португалия терма жамоасининг ЖЧ-2022даги иштирокидан сўнг "Ал Насср" билан келишувни расмийлаштириш учун Ар-Риёдга учиб кетади.

"Криштиану Роналду келажаги ҳақида хабардор. Унинг келажаги Саудия Арабистони футболида.
У клуб билан мутлақ келишувга эришди. Энди у клуб билан танишиб, ҳужжатларга имзо чекиш-чекмаслик бўйича қарор қабул қилиши лозим. Бу жамоа ўсишга ҳаракат қилмоқда ва Саудия Арабистони футболи гегемонига айланишни хоҳлаяпти.
Шартнома икки ярим йилга мўлжалланган. Роналду маошининг бир қисмини ўйинлардан, кўп қисмини эса рекламадан олади.
Тез орада агар режалар ўзгариб кетмаса, у Жаҳон чемпионатидан сўнг Ар-Риёдда пайдо бўлади ва шартнома имзолайди", – деди Феликс.

Аввалроқ Championat.asia биринчилардан бўлиб Роналдунинг "Ал Насср"га ўтаётгани ҳақида "Эшитдик-да" рукни остида хабар берган эди.

Шундан сўнг дарҳол "Мундиал студия" эфири давомида "Ал Насср"да тўп тепаётган Жалолиддин Машарипов билан боғланиб, ундан 7-рақамни Роналдуга бериши ёки бермаслиги ҳақида сўраган эдик.

Роналду ЖЧдан кейин "Ал Насср" билан шартнома имзолаш учун Ар-Риёдга учади