Футболчининг айтишича, ўғли отасининг бу каби шароитда яшаб, ўсганига ишонмаган. Криштиану 12 ёшида Мадейредаги уйини тарк этиб, «Спортинг» академиясини ўқишни бошлаш учун Лиссабонга кўчиб келганди.

“Мен ўғлим қандай шароитга ўсганимни кўришидан жуда хурсанд бўлдим. Биз ўша Лиссабонда яшаган еримизга бордик. У ерда болалигимда таниган инсонларни учратганим мени ҳаяжонга солди. Мен катта бўлган уйнинг хонасига кирганимизда, кичик Криштиану «дада, сиз шунақа жойда яшаганмисиз?» дея савол берди. У бунга ишонмасди. Улар учун барчаси осон қўлга киритиладигандек гўё. Ажойиб ҳаёт, уй, машина, кийим-кечак. Уларнинг назлида буларнинг бари шунчаки келади. Бироқ, мен ўғлимга биргина қобилият билан ҳеч нарсага эришиб бўлмаслигини ўргатмоқчиман. Барча ўйлаган ниятингга эришишинг мумкин, фақат бунинг учун ўз устингда ишлаб, кўп меҳнат қила олсанг”, дейди Роналду.

Роналду ўғлига Лиссабондаги эски уйини кўрсатди, кичик Криштиану эса бунга ишонмади