"Мен сизга "Mercurial Dream Speed" бутсаларини орзуингизга етишишни умид қилган ҳолда жўнатмоқдаман. Болалигимда оддий, аммо жуда ҳам аҳмоқона орзуим бўлган. Йўқ, бу ухлаб ётганингизда кўриладиган туш эмас эди. Бу шундай орзу эдики, сиз жуда хоҳлайдиган ва тунлари сизни уйғоқ бўлишингизга сабаб бўладиган орзулардан бири. Мен жаҳоннинг энг яхши футболчиси бўлишни хоҳлар эдим. Ҳаётимни шу орзуимга етишиш учун бағишладим, залда, футбол майдонида... Мумкин бўлган барча керакли ишларни бажарардим.

Орзуга эга бўлиш жуда ҳам муҳим. Унга эришиш учун қаттиқ меҳнат қилиш эса бундан-да аҳамитяли. Орзуимни амалга оширдим ва умид қиламанки сиз ҳам буни қила оласиз. Мен уддаладимми, сиз ҳам бунинг уддасидан чиқасиз. Жаҳон чемпионатига йўлланма берувчи ҳал қилувчи босқичга йўл олганингиз билан табриклайман. Бор эътиборни бир мақсадга жамлаб, кўзларингизни кейинги муваффақият учун қаратинг. Омад тилайман ва ушбу бутсалардан роҳатланинг", - дея Криштиану Роналду хат билан бир қути тўла бутсаларни аёллар терма жамоасига совға қилди.

Эслатиб ўтамиз, Португалия аёллар терма жамоаси (U-17) кейинги йили Ҳиндистонда бўлиб ўтадиган ЖЧ йўлланмасини қўлга киритиш учун Швецияда ўтказиладиган саралаш босқичида қатнашади.

Роналдунинг ёзган хати ва махсус совға>>>>ВИДЕО

Роналду Португалиянинг U-17 аёллар терма жамоасига руҳлантирувчи мактуб йўллади