Дастлаб матбуот анжуманига меҳмонлар бош мураббийи Рўзиқул Бердиев кириб келди ва журналистлар саволларига жавоб қайтарди.

"Дастлаб "Динамо" жамоаси ҳақида айтиб ўтсам. Бу жамоа янги таркиб бўлгани учун аввалги даврага нисбатан кескин ўзгарибди. Янги жамоа шаклланаётгани кўриниб турди. Бугунги ўйин аҳамияти катта эди ва биз шунга муносиб тайёргарлик кўрган эдик ва буни майдонда исботладик. Бугун учрашув бизни ташаббусимиз остида ўтди ва рақибга нисбатан яхшироқ ўйнашди. Иккинчи бўлимда "Динамо"ни ҳужумга ўтиши аниқ эди ва шунинг учун Гадоев ва Абдуллаевларни майдонга туширдим. Қарши ҳужумдан ҳам унумли фойдаландик. Бизни тактика бўйича Шоҳруҳни ушлаб турдик ва иккинчи бўлимда иккита гол уришга эришдик. "Динамо" билан негадир ҳамиша барча ўйиндан кўра кескинроқ бўлади. Буни аввалги ўйинларда ҳам кўрганмиз. Бугун тажриба ўз сўзини айтди. Футболчиларимда ғалабага бўлган иштиёқни катталигидан хурсанд бўлдим." - дея ўйин ҳақида дастлабки фикрларини билдириб ўтди Рўзиқул Бердиев

- Мутаххасис сифатида учинчи гол бўлган вазиятни қандай изоҳлар эдингиз? (таҳ. ён ҳакам байроқчани кўратиб турди ва бу вазиятда "Динамо" футболчиларини барчаси тўхтади лекин бош ҳакам ўйин давом эттиришни айтди ва учинчи гол киритилди)

Олдин ҳам айтганман. Ҳакамни муҳокама қилиб бўлмайди ҳозир. У вазият бўйича айтадиган ягона гапим майдонда якуний қарорни бош ҳакам чиқаради. Улар шу қарорни қабул қилдими демак тўғри.

- "Насаф" Миллий чемпионатда олдига қандай мақсад қўйган?

Бизда имконият бор экан чемпионликка курашамиз. Мавсум бошида жамоамизда катта ўзгаришлар бўлгандан сўнг бизни имкониятни пастроқ баҳоланган эди. Бунга сабаб ўнга яқин етакчи ўйинчиларимиз жамоани тарк этгани бўлса керак. "Насаф"га эътибор беринг . Биз ёшларимиздан ҳам яхши битта таркиб қилсак бўлади. Келажак учун ҳам ишладик. Бор кучимиз билан чемпионликка ҳаракат қиламиз.

- "Насаф" бошқа жамоаларга қараганда аҳил жамоа эканлиги ҳаммани хурсанд қилмоқда. Бу ҳам жамоани ютиғи шундайми?

Албатта биз бунинг учун йил бошидан буён жуда ҳам кўп ишладик. Жамоани битта оила қилиш керак. Муҳитмиз аъло даражадалиги учун ҳам натижа бўлмоқда. Бизда шароитлар жуда яхши деб айта олмайман . Камчиликлар ҳам етарлича. Ўтган йили жамоамизда муҳит бузилган эди ва биз биринчи ўринда буни тўғрилашга эътибор бердик. Жамоамизда иштиёқ бор ва ғалаба қозонаяпмиз.

Рўзиқул Бердиев: "Бизда имконият бор экан чемпионликка курашамиз"