"Бу жуда ҳам ажойиб. Барчага раҳмат айтмоқчиман. "Насаф"нинг барча мухлисларини чемпионлик билан табриклайман. Ўйлайманки биз бунга муносиб эдик. Мухлисларимизга катта раҳмат, ҳомийларимизга катта раҳмат.

Ўзбекистон чемпионати савияси анча ўсган. Йил бошида олдимизга чемпионлик вазифаси қўйилди ва шунга ҳаракат қилдик. Чемпионлик учун жиддий ёндошдик. Раҳбарият томондан ҳам, ҳомийлар томонидан ҳам. Натижа учун ва мақсадимизга эришиш учун кўпроқ ҳаракат қилдик.

Иккинчи даврада "Пахтакор", "Навбаҳор" ва ОКМКни мағлуб этганимиз чемпионлик йўлидаги энг муҳим қадамлар бўлди.

Тўғри Ўзбекистонда чемпион бўлдик, аммо ҳали мавсум биз учун "тугамади". Йигитларга тушунтирамиз, сабаби биз ОЧЛ2 мусобақасида гуруҳдан кейинги босқичга чиқишга ҳаракат қиламиз.

Чемпион бўлганидан кейин бу таркибни "олтин таркиб" деб бемалол айта оламиз", - деди Рўзиқул Бердиев Спорт телеканалига берган интервьюсида.

Тез орада Рўзиқул Бердиевнинг ўйиндан кейинги матбуот анжуманидаги фикрлари ҳам тақдим этилади.

Рўзиқул Бердиев: "Бу "Насаф"нинг "олтин таркиби"