Рўзиқул Бердиев: "Бунёдкор" 8-1 тактик схемасида ўйнади"

Aslanov Jasurbek
13 may 2024
Суперлиганинг 7-туридан ўрин олган "Насаф" - "Бунёдкор" (0:0) учрашувидан сўнг мезбонлар бош мураббийи Рўзиқул Бердиев матбуот анжуманида иштирок этди.

Ўйин ҳақида


- Учрашувни кўрдинглар, рақиб чуқур ҳимояланди. Вазиятлар ҳақида гапирмоқчи эмасман, кўплаб ҳужумлар ташкил этдик. Гол уриш учун имкониятларимиз бўлди, бироқ ҳимояда яхши турди. Шунингдек, "Бунёдкор" дарвозабони кўрсатган ўйинни ҳам алоҳида айтиб ўтиб кетиш керак. Бугун улар биздан очко тортиб олишни уддалашди, режаларини буза олмадик.


- Шароф Муҳитдиновда вазиятлар бўлди, бироқ унинг зарбалари ноаниқ чиқди. Ўйин давомида бошқа футболчиларда ҳам шу каби ҳолатлар кузатилди. Бу нима билан боғлиқ?


- Барча зарбаларимиз ҳам ноаниқ кетди деб айта олмайман. Кўплаб ҳужумлар ташкил этдик, дарвоза томон аниқ зарбалар ҳам йўлладик. Бироқ рақиб ҳимояда яхши турди, дарвозабон қутқарган вазиятлар ҳам бўлди.


- Бразилиялик легионер Да Сильва кўп ўйинларда захирада қолаяпти. Унинг трансфери омадсиз чиқдими?


- Захирада фақат у эмас, бошқалар ҳам бор. Бир футболчига боғлаш керакмас. Натижаларимиз ёмон бўлганида трансфер омадсиз баҳоланса бўлади. Биз ҳар доим ўйинга 100 фоиз тайёр бўлган футболчини асосий таркибга киритамиз. Да Сильва бизнинг чемпионатга мослашиши учун вақт керак.


- ОКМК билан ўйинда 4 талаб гол урган "Насаф" бугун негадир гол ура олмади. Бунга нима сабаб бўлди деб ҳисоблайсиз?


- Олмалиқ билан ўйинда очиқ футбол эди. Бугун кўрдингиз, рақиб чуқур ҳимояланди. Қизил карточкадан сўнг 8-1 тактик схемасида ўйнашди. Бундай жамоага гол уриш жуда қийин.




Aslanov JasurbekМақола муаллифи
Муқова: championat.asia

Изоҳлар

JUVE & LIV
14 may 2024
Хафа бўселаям, хафа бўмаселаям шуни этишим мумкинки, насаф супер (олий) лигага осмондан тушган жамоа, насаф қачонки биринчи лигада қатнашиб чемпион бўлиб суперлигада қатнашмас экан, Суперлигада чемпион бўла олмайди. ОТВЕТ ЁЗИШ ШАРТ ЭМАС БУ ФАКТ !!!
Фк Тулуза
14 may 2024
Бу Бердичев деганлари хеч хам айбини тан олмас эканда, нукул ракиб айбдор...
Denov.Allayor
13 may 2024
Zato itatib ketdi
Sodiq Nazarov
13 may 2024
Дарвозага кучлирок ёки аникрок зарба берилмади чала чулпа зарбалар дарвозабонга кийинчилик тугдирмади
prime_7
13 may 2024
13 mayda 22:00 dan futbol kanali ochiladi deb eshitgandim lekin xaliyam ochilmadi