- Бугунги учрашув кескин курашлар остида ўтди. Ўйлайманки менинг жамоам “Андижон”дан асло кучсиз эмас. Тўғри, бугун мағлуб бўлдик. Лекин келгуси баҳсларда албатта ютамиз. Буга 100 фоиз ишончим комил. Бизнинг олдимиздаги энг асосий вазифа – шу ёш ўйинчиларнинг тажриба тўплашларига имкон бериш. Бугунги баҳсдаги мағлубиятимизга асосий сабаб – стандарт вазиятлар бўлди. Ўйин қоидасини камроқ бузишимизни айтгандим.

Голларда дарвозабонни айбламоқчи эмасман. Бутун жамоа хато қилди. Натижа бўлмаганидан кейин албатта ўйинимиз ҳам қониқтирмади. Жамоамиз ҳали ёш. Тезкор гол ўтказганимиз жамоага таъсир қилди демаган бўлардим.

Кетма-кет учинчи мағлубиятни қабул қилиб олдик. Мана шу руҳий вазиятдан чиқиб кетишимиз керак. Жамоамиздаги ёш ўйинчилар ўсиши керак.

Бобир Абдихолиқовда анчадан буён жароҳати бор. Унга ҳозирча дам олиш ва даволанишга имконият яратиб бердик. Кенжабоев кеча шамоллаб қолди. Бундан ташқари "Пахтакор" билан баҳсда олган жароҳати ҳали битмаган.

Ҳакамлик? Муртозаев гол урган вазиятда офсайд йўққа ўхшади. Лекин ҳали ўзим буни видеода кўриб чиққаним йўқ. Шу боис аниқ бир гап айта олмайман", - дейди Рўзиқул Бердиев.

Рўзиқул Бердиев: "Менинг жамоам “Андижон”дан асло кучсиз эмас"