"Ҳимояда қўпол хатоларга йўл қўйдик ва учта гол ўтказдик. Рақибнинг кучли томонларини ўрганиб чиққандик. Бугун ҳимоядаги вазифамизни бажара олмадик. Ҳали кураш давом этади, "Насаф" ўз мухлислари қаршисида охиригача ўйнайди. Урган голимиз жавоб ўйинидан олдин бизга катта ёрдам беради.

Захирадан майдонга тушган Нарзуллаев Кенжабоевдан кучлироқ ўйнади. Эркинов ўйинимизни кучайтирди, аммо вазиятлардан фойдалана олмади.

Аъзамов ва Суюнов бизнинг етакчиларимиз эди. Иккала футболчига омад тиладик. Янги футболчилар жамоамиз ўйинини кучайтиришга ишонаман.

Красични жамоага қайтиришни истагандик. Аммо у Арманистон клуби билан келишиб қўйганини айтди. Ўзимизга муносиб легионер топа олмадик. Яхшироқ легионер эса катта пул туради.

Шерзод Аъзамов ва Элдорбек Суюновнинг трансферидан тушган пулларни футболчиларга ойлик маошларига ишлатдик. Клуб вакилларидан иккала футболчи учун "Пахтакор" бир миллиард сўм тўлаганини эшитдим.

Бу йил юқори ўринлар учун курашаётган жамоалар кўпайди. Бу одамни қувонтиради", - дейди Рўзиқул Бердиев.

Рўзиқул Бердиев: "Пахтакор" икки футболчимиз учун бир миллиард сўм тўлади"