"Менимча бу "Манчестер Юнайтед"даги энг катта ғалабам бўлди. Бу бугун кўп нарсаларни англатиши керак, эртага эса йўқ. Ажойиб уч очко ва ғалаба.
Ҳар бир ўйинда курашяпмиз, бироқ иккинчи бўлимда ўзимизни йўқотиб қўймоқдамиз. Энг асосийси - жамоада руҳ бор. Бугун зўр кун бўлди, энди "Брайтон" ҳақида ўйлаш керак. Албатта, бу тундан завқ оламан, лекин кейинги баҳсга ҳам эътибор бериш керак.
Шунчаки ўйинни тахлил қилдик ва стандартлар бу ўйинда асосий қуролимиз бўлиши кераклигини билардик. Чунки ўйин бошиданоқ биз тажрибали футболчиларни майдонга ташладик. Қачонки биз юқоридан прессинг қилсак, рақиб тўп йўқотаётганини ҳис қилдик.
Бу ғалаба бизга ишонч тақдим қилади. Мухлислар бу хурсандчиликка ҳақли эдилар. Энди эса келажакка юзланиш керак.
Магуайр бугун биз учун катта иш қилди. У жамоадаги исталган футболчи учун намуна бўлиши ва ўз тажрибаси билан бошқаларга ҳам ёрдам бериши керак.
Футболчиларнинг хурсанд бўлётганини кўрсам мен ҳам хурсанд бўламан. Бироқ уларнинг кийим алмаштириш хонасида қўйган мусиқаси жуда ёмон эди. Менинг мусиқадаги таъбим уларникидан яхшироқ", - деди Аморим.

Рубен Аморим: "Мусиқа танлашда футболчилардан кўра таъбим яхшироқ"