Албания терма жамоаси Европа чемпионатининг иккинчи турида Хорватия билан куч синашди. Ўйин эса ҳақиқий футбол ҳароратига мос бўлди. Албания терма жамоасининг ўйинлари ва имкониятлари юзасидан ўтган мавсум "Андижон"да тўп тепган албаниялик Рубин Хебайнинг фикрлари билан қизиқдик.

"Иккинчи ўйинда ғалаба қозонишимиз керак эди. Афсуски, дуранг натижа қайд этилди. Умид қиламанки, охирги турда барчани хайрон қолдирамиз ва кейинги босқичга йўлланма оламиз.
Албаниянинг бу мусобақада иштирок этишдан фақат фойда кўради. Футболчиларнинг даражаси ошади. Маҳаллий чемпионат ўсишга эришади ва ўз мавқеини мустаҳкамлаб олади. Умуман олганда Европа чемпионатида яхши жамоалар жамланган. Ҳар бир жамоада юқори савиядаги футболчилар бор. Лекин Криштиану Роналду туфайли Португалияга бефарқ эмасман ва Албаниядан сўнг бу терма жамоани қўллаб-қувватлайман. Умид қиламанки, улар бу мусобақада ғалаба қозонадилар",- дейди Рубин Хебай.

Албания учинчи турни 24 июнь куни Испанияга қарши ўтказади.

Рубин Хебай: "Албания охирги турда ҳаммани хайрон қолдиради ва кейинги босқичга чиқади"