Учрашувдан сўнг меҳмонлар устози Руфат Акрамхўжаев ўз фикрларини билдириб ўтди.

- Чемпионатнинг биринчи ўйини бўлгани учун йигитларда ҳаяжон сезилди. Расмий учрашувлар билан назорат баҳсларни фарқи бўлади албатта. Футболчиларим негадир ҳайиқиб ўйнашди. Биринчи бўлимда ўйинимиз яхши қовушди. Ҳисобни ҳам биринчи бўлиб очишга эришдик. Аммо иккинчи таймда ҳаммаси ўзгариб кетди. Мезбонлар ўз уйида мағлубиятдан қутилиб қолиш учун астойдил курашди. Уларда ғалабага ташналик хусусияти мужассам эди. Иштиёқ кучлилик қилди.

- Жамоамнинг намойиш этган ўйинидан умуман кўнглим тўлмади. Бунгача ташкил этилган назорат учрашувларида футболчиларим умуман бошқа ўйин кўрсатганди. Нима ҳам дердик, бу – футбол. Умид қиламанки келгусида ҳаммаси яхши бўлади.

- “Орол” ҳам асосан тўпни олдинга тепиб юбориш орқали ўйин кўрсатди. Бунақанги учрашувда дуранг қайд этиш ҳам қайсидир маънода қониқарли дейиш мумкин. Лекин яна қайтараман, ўйиндан қониқмадим.

- Кейинги турни яна сафарда ўтказамиз. “Хоразм”га қарши ўйинда ғалаба қозонишга харакат қиламиз.

- Таркибда асосан ёшлар бор. Тажрибали ўйинчилардан биргина Музаффар Умурзоқовни айтиш мумкин. Шунингдек ўз вақтида олий лигада ўйнаган иқтидорли футболчи Исроил Эргашевни ҳам таркибга қўшиб олганмиз. Қолгани эса асосан 1994-1995 йилларда таваллуд топган футболчилардир. Асосий мақсадимиз олий лигага муносиб ўйинчиларни тайёрлаб бериш.

Исломбек Рустамбеков.

Руфат Акрамхўжаев: “Ғалабани ушлаб қолиш учун йигитларга характер етишмади”