Инглиз футболи афсонаси Уэйн Руни ўйновчи мураббий сифатида фаолият бошлаган "Дерби Каунти" ўз майдонида "Барнсли"ни қабул қилди ва 2:1 ҳисобида ғалаба қозонди. Баҳсда мезбонлар таркибида дебютини ўтказган Руни 45-дақиқада Жэк Мэрриот киритган голга пас берди. Ярим ҳимояда тўп тепган Уэйн ўйинда 90 дақиқа ҳаракат қилди.
"Wazza" жамоани сардор сифатида майдонга бошлаб тушди.
"Дерби Каунти"да нидерландиялик собиқ футболчи Филип Коку бош мураббийлик қилмоқда, Руни эса ўйновчи мураббий сифатида фаолиятини бошлади.
"Дерби" айни пайтда Чемпионшипда 24 жамоа орасида 33 очко билан 17-ўринда бормоқда. Биринчи ва иккинчи поғоналарни бўлишиб турган "Лидс" ҳамда "Вест Бромвич" ҳисобида 52 очкодан бор.
Дербиликлар 27-турда турнир жадвалида ўзларидан бир поғонада юқорида кетаётган ва охирги тўртта баҳсда фақат ғалаба қозониб келаётган "Мидлсбро" меҳмони бўлади.
Англия Чемпионшип турнир жадвали >>>>> Чемпионшип
Изоҳлар