"Барча кўрди, бугун футбол ўйнайдиган хаво бўлди. Майдон ҳам ажойиб ҳолатда. Йигитларнинг ўйинидан қониқдим. Мухлисларга ҳам, Қўқондан келган фан-клубдаги мухлисларимизга ҳам раҳмат. Ўйинимиз яхши бўлди, бироқ пенальти вақтида дарвозабонга ҳеч ким ёрдамга келмади. Рақибда кўп имконият бўлди", - дея сўз бошлади Рустам Абдуллаев.

Биринчи бўлимда рақиб билан тенгма-тенг ўйнадингиз. Нима учун иккинчи таймда ўйинни рақибга топшириб қўйдинглар?

Тўп назоратини барча кўрди. Тўпсиз ҳаракат қилиш қийин. Куч икки баравар кетади. Иккинчи бўлимда йигитлар ҳисоб учун ўйнадилар. Бу руҳиятга ҳам боғлиқ. Бундан ташқари тезкор футболчиларимиз ҳам олдинда ўйнай олишмади. Усмонов, Рўзиев каби футболчиларни ҳам "Локомотив"дан ижарага олганимиз сабабли майдонга тушира олмасдик.

Рустам Абдуллаев: "Футболчиларимнинг ўйинидан қониқдим, қўқонлик мухлисларга эса катта раҳмат"