Унда клубнинг собиқ футболчи ва тарбияланувчиларидан бири Рустам Ашурматов ҳам иштирок этди. Тадбир якунида биз ҳимоячининг Кореядаги фаолияти ва навбатдаги режалари ҳақидаги фикрлари билан қизиқдик.

"Кўрганингиздек Элдор Шомуродов ва Отабек Шукуров видео орқали табрикларини юборишди. Лекин мен билан телефон орқали боғланишганида ўша куни Тошкентда бўлишимни айтдим. Тадбир чиройли ўтди. "Бунёдкор" менга бегона эмас. Шу клуб академиясида тарбияланганман. Бизнинг пайтда бунчалик катта тантана билан тақдирлаш бўлмасди. Кўз тегмасин олдинга силжиш бор. Болалар ўз устида ишласа, Европада ўйнай олишади",- дейди Рустам Ашурматов

- Бир неча кун олдин Кореядан қайтиб келдингиз. У ерда мавсум якунига етди. "Кангвон" лигадаги ўрнини сақлаб қолишга эришди. Фаолиятингизда қаерда давом эттиришни ўйлаяпсиз?

- Ҳозирда жамоам билан шартномам бор. Шу боис бошқа таклифларни кўриб чиқаётганим йўқ. Навбатдаги мавсумни ҳам "Кванжу"да давом эттиришим аниқ.

- Кореяда ортда қолган мавсум борасида қандай фикрлар юзага келди?

- Мавсум якунланди. Яхши ўтди, дея олмайман. Аммо элитада қолишни уддаладик. Йил бошида режаларимиз бошқача эди. Ўйлайманки, ҳаммаси олдинда.

- Мамлакат юқори ва қуйи лигаси ўртасида фарқ катта эмас. Шундай бўлсада сиз бу борада энг асосий қандай тафовутни сездингиз?

- Тўғри. Масалан Олег Зотеев тўп тепган жамоа пастки лигада иштирок этади. Лекин якунда Корея кубогини қўлга киритиб, ОЧЛга йўлланма олишди.

Рустам Ашурматов - Ортда қолган мавсум, кейинги режалари ва Кореянинг икки лигасидаги фарқ ҳақида