Рустам Мирсодиқов, “Металлург” ФК бош мураббийи: - “Қўқон 1912” жамоаси олий лигамизда таркибини шакллантириб олган кучли клублардан бири саналади. Шу боисдан ҳам ўйинга жиддий тайёргарлик кўрдик. Қолаверса кетма кет иккита мағлубиятдан кейин яна ютқазишга ҳаққимиз йўқ эди. Футболчилар билан ҳам жисмонан, ҳам руҳан олиб борган тайёргарликларимиз зое кетмади. Бугунги натижадан ҳам, ўйиндан ҳам қониқиш ҳосил қилдим. Майдонда ҳаракат қилганлар ҳам, ташқарида уларга мадад бўлиб турганлар ҳам ўз вазифаларини сидқидилдан бажаришди, бунинг учун уларга катта раҳмат. Қолаверса бизни тинимсиз қўллаб турган мухлисларимизга ҳам миннатдорлик билдираман.

Бизнинг муваффақиятимизда тезкор гол ҳам муҳим аҳамият касб этди. Шундан кейин футболчилар майдонда ўз кучларига ишониб, эркин ўйнашди. Таркибни жамлашда қаторасига учинчи ўйинда муаммога дуч келаяпмиз. Бу гал таянч ярим ҳимоячимиз Аюбхон Нўъмонов Наманганда олинган иккита сариқ карточка боис майдонга туша олмади. Афсуски, Бухоро сафарига тажрибали ҳимоячимиз Даврон Каримқулов ҳам бугунги огоҳлантириш сабабли бора олмайди. Аммо муаммоларни бартараф этиш, таркибдаги бўшлиқлар устида ишлаш учун ҳали вақтимиз бор, дейди Рустам Тўхтамуродович.

Янги мавсумда олий лига жамоалари бош мураббийларида ПРО лизенцияси бўлиши шарт

Рустам Мирсодиқов: "Натижадан ҳам, ўйиндан ҳам қониқиш ҳосил қилдим"