Таниқли мутахассис маълум муддатлик танаффусдан сўнг, яна катта футболга қайтди. Ўзингизга яхши маълумки, ПРО-Лига қатнашчиси “Сурхон” бу йил ўз олдига кучлилар сафига чиқишни мақсад қилган. Шу боис термизликлар катта тажрибага эга бўлган Рустам Тўхтамуродовичнинг хизматига эхтиёж сезди ва у кишини жамоа техник-директори лавозимига таклиф этди. Шу муносабат билан Мирсодиқовни безовта қилдик.

- (Бироз ўйланиб) Чиндан ҳам “Сурхон”да иш бошладим. Клубдаги вазифам ташкилий ишларни тўғри йўлга қўйиш ва шу орқали жамоага фойда келтиришдир. Яхши биласиз “Сурхон”да тажрибали мураббий Игорь Шквирин бош мураббий сифатида ишламоқда. Унга ҳам ўз маслаҳатларим билан ёрдам бераман. Ҳозирча бундан ортиқ бир нима демаганим маъқул. Сабаби тўйдан олдин ноғора чалиш нотўғри бўлади. Бир оз муддат ўтсин, кейин яна бафуржа гаплашамиз – дейди Рустам Тўхтамуродович.

Рустам Мирсодиқов: “Сурхон”да иш бошладим”